चिमटी चाबबो करेला

आयुध्

भोरेभोर बेरा जखन गजराज भाइ चिमटी बहिन कर घर पोहँचलयँ ड्राइंग रूम में कोनो नइ रहयँ। चिमटी बहिन के अवाज देइके गजराज भाइ टीभी देखेक लागलयँ। एक चैनल से दोसर चैनल पर कूदते-फांदते अचके ऊ देखलयँ कि झारखंड कर सान आउर भारत कर महान क्रिकेट खेलाड़ी महेन्द्र सिंह धौनी का तो अपील करत हयँ। गजराज भाइ ओहे चैनल पर ठहइर गेलयँ। जाब गजराज भाइ पूरा अपील के सुइन लेलयँ उनकर गोड़ कर लहर मुड़ पर चइघ गेलक।